2018-09-13
Sentyabrın 13-də Azərbyacanın Latviyadakı səfiri Cavanşir Axundovun xanımı Zümrüd Axundova-Dadaşzadə Koreyanın Latviyadakı səfiri cənab Seong-Jin Hanın dəvəti ilə səfirin rezidensiyasında olmuşdur.

Koreya respublikasının milli ənənələri ilə tanışlıq məqsədi güdən bu görüşə Latviyanın  sabiq  prezidenti  cənab Valdis Zatlers,   Latviyada  fəaliyyət göstərən bir sıra ölkələrin səfirliklərinin missiya başçıları (Norveç, BƏƏ, Gürcüstan), habelə ayrı-ayrı səfirliklərin ( ABŞ,  Niderland krallığı, Estoniya, İspaniya) nümayəndələri qatılmışlar.  Tədbir əsnasında   qonaqlara  zəngin Koreya mətbəxi, onun özəllikləri haqqında  ətraflı məlumat verilmişdir. Daha sonra   Koreya mətbəxinin əsas yeməklərindən biri - kimçinin hazırlanması üzrə ustad dərsi  keçirilmişdir. Qonaqlar Koreya mətbəxinin təamlarını  dadmaq imkanı əldə etmişlər. Sonda tədbir iştirakçıları   cənab Seong-Jin Hana və onun xanımına  qonaqpərvərliyə və maraqlı söhbətə görə təşəkkürlərini bildirmişlər.  Səfir bu tipli tədbirlərin davamlı xarakter daşıyacağını söyləmişdir. Görüş  xatirə şəkillərinin çəkilməsi  ilə sona çatmışdır.

    

növbəti xəbər əvvəlki xəbər